Ræktunarfréttir 2009

Hákon tvegga daga gamall

Jæja, það er í nógu að snúast á hrossabúinu Hamarsey, þó lítið sé. Að taka á móti folöldum, skoða þau og pæla í, fara með hryssur undir stóðhesta, láta sónarskoða, sækja hryssur til hesta er stór hluti af ræktunarvinnunni. Stundum hugsar maður sér hversu þægilegt það væri nú að fá bara einn stóðhest heim á Hamarsey og láta allar hryssurnar undir hann. En maður vill hafa fjölbreytni í ræktuninni og er sjúkur í hina og þessa stóðhestana.

Myndin er af Hákoni okkar 2ja daga gömlum sumarið 2007. Hákon var á húsmáli á Blesastöðum í vor en er nú kominn í hólf í Flagbjarnarholti með um 12 hryssum. Það er gaman frá því að segja að fyrstu tvær hryssurnar sem fóru undir hann í vor hafa verið staðfestar fylfullar eftir kappann með sónarskoðun. 

Ennfremur eru þrír af okkar ungu stóðhestum í hryssum.Reykur er í Gerðum í Landeyjum í um 18 hryssum. Þrymur er á hjá Guðbjörgu í Eyjarkoti við Blönduós í um 13 hryssum. Hákon er í Flagbjarnarholti í um 12 hryssum.