Í hryssum í Eyjarkoti

Þrymur

Þrymur, 2ja vetra bleikblesóttur, sokkóttur foli fór til Guðbjargar Gestsdóttur og fjölskyldu í Eyjarkoti við Blönduós í sumar. Þar sinnti hann hryssum Guðbjargar og nokkurra kunningja hennar. Alls fékk hann til sín um 15 hryssur. Hann var duglegur í hryssunum og er líklegt að hann hafi fyljað þær flestar ef ekki allar, hins vegar er beðið eftir niðurstöðum sónarskoðana.

Þrymur er undan Þrumu frá Hólshúsum og heiðursverðlaunahestinum Hróðri frá Refsstöðum. Það eru miklar vonir bundnar við Þrym enda gullfallegur foli með miklar hreyfingar. Við eigum Þrym með vinum okkar Helga á Ragnheiðarstöðum og Erlingi og Viðju í Langholti. Þrymur er með BLUP 120.