Hrossaræktin 2009

Álfur frá Selfossi

Næsta vor er von á hvorki fleiri né færri en átta folöldum á Hamarsey. Mæðurnar eru allar 1. verðlauna hryssur og má lesa um þær undir flokknum hryssur. Feðurnir eru sjö talsins, allt hátt dæmdir 1. verðlauna stóðhestar en flestir óreyndir sem kynbótahestar. Frjósemin var góð, níu hryssum var haldið og fyljuðust allar nema ein. Sú sem fyljaðist ekki heitir Vakning frá Ási I og verður tekin inn í vetur og þjálfuð, 9 vetra 1. verðlauna Galsadóttir.

Fyrstu folöldin koma til með að fæðast í byrjun maí. Líklega mun Selma frá Sauðárkróki kasta fyrst en hún fyljaðist við Hróðri frá Refsstöðum á húsmáli. Þruma frá Hólshúsum mun svo líklega fylgja í kjölfarið en hún fyljaðist í sæðingum við Álfi frá Selfossi.

Gustur frá Lækjarbakka á LM2008.

Krummi frá Bleastöðum, vorsýning 2008 í Hafnarfirði.

Hróður frá Refsstöðum í keppni á Sauðárkróki.

Gustur frá Lækjarbakka á LM2008.

Gaumur frá Auðsholtshjáleigu á LM2008.

Auður frá Lundum á LM2008.

Aron frá Strandarhöfði á LM2004.