Hviða frá Ingólfshvoli – IS1989287033

Hviða frá Ingólfshvoli

Hviða frá Ingólfshvoli er klárhryssa undan Golu frá Gerðum sem hefur gefið margar góðar hryssur, þ.á.m. Korgu frá Ingólfshvoli (móðir Korgs frá Ingólfshvoli). Faðir Hviðu er heiðursverðlaunahesturinn Angi frá Laugarvatni. Hviða skartar flottum tölum, meðal annars 9,0 fyrir tölt, stökk og fegurð í reið og 9,5 fyrir vilja.

Sköpulag: 7,85
Hæfileikar: 8,33
Aðaleinkunn: 8,09

Hviða er í eigu vina okkar, Ludwig feðganna í Austurríki (www.kraehenweide.at). Hviða á heima hér á Íslandi og höfum við séð um hryssuna fyrir feðgana frá árinu 2003. Nokkrum sinnum höfum við fengið að halda Hviðu.

Höfum við fengið þrjú afkvæmi undan Hviðu. Fyrst ber að nefna Reyk fæddan 2005 undan Adam frá Ásmundarstöðum. Því næst Júlíu frá Hamarsey fædda 2009 undan Auði frá Lundum og svo er fæddur vorið 2012 móálóttur hestur undan Hrafnari.

Hviða hefur gefið góð hross. Fyrstu tvö afkvæmin sem hafa verið sýnd undan henni fóru í 1. verðlaun.

Hér er Júlía nýfædd sumarið 2009.